Бүгін Өскемен қаласында ауылшаруашылық жәрмеңкесі өтті

10 мамыр күні Өскемен қаласында жергілікті тауар өндірушілердің қатысуымен дәстүрлі ауылшаруашылық жәрмеңкесі өтті.

Жәрмеңке екі алаңда ұйымдастырылды: «Алтай» көтерме-тарату орталығының аумағында (Жібек Жолы көшесі, 44); Нұрсұлтан Назарбаев даңғылы, 68 үйдің жанында, «Достық» мәдениет үйінің маңында.

Қала тұрғындарына қолжетімді бағамен ет, сүт өнімдері, шұжықтар, көкөністер, жемістер, бал және күнделікті қажетті басқа да азық-түліктер ұсынылды.

Жәрмеңке сағат 8:00-ден 15:00-ге дейін өтіп, сапалы әрі балғын өнімдерді бағалайтын көптеген тұрғындарды жинады.