Алтайда Ресейден табылған Петр Оконечниковты жерлеу рәсімі өтті

Ұлы Жеңістің 80 жылдығы қарсаңында Алтай қаласында Ресей географиялық қоғамы мен Ресей Қорғаныс министрлігі экспедициясы кезінде табылған Петр Оконечниковтың сүйегін жерлеу рәсімі өтті.
Орыс географиялық қоғамы мен Ресей Қорғаныс министрлігінің "Аляска-Сібір" әуе бағытын зерттеу бойынша экспедициясы кезінде борт-радист, 8-ші авиациялық полктің сержанты Петр Оконечниковтың сүйегі табылды.
Кеңес ұшқыштары Альсиб әуе жолы арқылы Қиыр Солтүстіктің қатал жағдайында Аляскадан Красноярскіге бомбалаушы жойғыш ұшақтарды жеткізді, сол жерден олар майданға жіберілді.
ҚР Қорғаныс күштерінің Ұлттық әскери-патриоттық орталығында сарбаздың күлі туыстарына салтанатты түрде табысталды.
Петр Оконечников 1924 жылы дүниеге келген. Ол Алтай ауданындағы Кутиха ауылының тумасы. 1943 жылдың 28 тамызында жауынгерлік тапсырманы орындау барысында «Дуглас» Си-47 ұшағымен апатқа ұшыраған. Өзімен бірге ұшу карталары, қазақ тілінде толтырылған комсомол билеті болған.
- Сол қасіретті жылдары "Із-түзсіз жоғалды" деген хат-хабар алудың қаншалықты ауыр екенін білеміз. Іздеу жасақтарының жұмысының арқасында 80 жылдан кейін тарихта ұмытылмаған батырлардың есімдері қайта жаңғыруда. Әрбір сарбаз табылған сайын бір адамның тағдыр жолы айқындалып, жақын туған туыстарының да жоғалтқаны оңалып, көңілі жайланады. Әсіресе Жеңістің 80 жылдық мерейтойы қарсаңында бұл үлкен мәнге ие. Біздің тағы бір сарбазымыз үйіне оралды. Оның жаны туған жерінде жай таппақ, - деді Алтай ауданы әкімінің орынбасары Жанна Асқарова.
Батыр Петр Оконечников әскери құрметпен әкесінің қасына жерленді. Жауынгер туған жерінде мәңгілік тұрағын тапты. Бұл оқиға Отан қорғаушылар жайлф естеліктер мәңгі өшпейтінінің тағы бір дәлелі.