Алтай ауданында соттан тыс татуласу орталығы ашылды
Медиаторлардың, жанжалтанушылардың және басқа мамандардың көмегімен бұл жерде еңбек қатынасы және отбасылық мәселелерге, сатып алу-сату мәмілесіне, барлық татуластыру рәсімдерін жүргізуге қатысты даулар шешіледі.
⠀
Заң жөнінен кеңес беріледі және психологтардың көмегі көрсетіледі.
⠀
Орталықтың ашылуына ШҚО аумақтық кәсіподақтар бірлестігінің «Шаңырақ» татуласу орталығының басшысы, кәсіби медиатор Е.Абдрахманова қатысты.
⠀
- Біз адамдарға сот кабинеттеріне, адвокаттарға, заңгерлерге бармай, осы жерге келіп, кәсіби тұрғыда заң тармақтары туралы, психологиялық және медитациялық көмек алулары үшін жағдай жасаймыз. Біздің міндет – қоғамдағы өзара түсініспеушілікті, дау-дамайды азайту, - деп баса айтты аудан әкімі Қ.Байғонысов.
⠀
Ашылу салтанатында сөз алғандар кәсіби және кәсіби емес медиаторлардың, сонымен қатар адвокаттардың, нотариустардың, психологтардың жұмыстарының арқасында орталықта кез-келген дауды тез әрі сапалы шешуді қамтамасыз етеді деген сенімдерін жеткізді.