Өскеменде жануарларды жақсы көретіндерге арналған PET DOG FEST-2026 отбасылық фестивалі өтеді

Өскемендегі Шығыс Қазақстан облыстық сәулет-этнографиялық және табиғи-ландшафтық музей-қорығы Сол жағалау кешенінің этносаябағында жануарларды жақсы көретіндерге арналған PET DOG FEST-2026 отбасылық фестивалі өтеді.

– Фестиваль баршаға арналған. Оған отбасымен, балалармен, достармен және үй жануарларымен бірге келуге болады. Қатысушылар мен қонақтарға арналған бағдарлама өте ауқымды. Фестивальде иттерге арналған көңілді старттар мен жарыстар, жүргізушілер мен DJ өнер көрсететін үлкен сахна, квест, аниматорлар, шеберлік сабақтары, жәрмеңке, төрт аяқты қонақтарға арналған DOG SPA, жем дәмін татуға мүмкіндік беретін DOG BAR, түрлі байқаулар, дәмді тағамдар ұсынылатын фуд-аймақ ұйымдастырылады. Фестивальдің басты оқиғаларының бірі – 300 келі жемнің ұтыс ойыны. Сонымен қатар фестиваль серіктестері сыйлықтар мен жүлделер дайындады, – деді фестиваль ұйымдастырушылары.

Фестиваль аумағында жеке ойын валютасы – PET DOG MONEY қолданылады. Байқауларға, квесттерге және түрлі жарыстарға қатысу арқылы қонақтар PET DOG MONEY жинап, оны фестиваль барысында сыйлықтар мен жүлделерге айырбастай алады.

Іс-шара аясында қайырымдылық палауы да ұйымдастырылады. Оны сатудан түскен барлық қаражат Өскемендегі жануарларға арналған паналарға көмек көрсетуге бағытталады. Осылайша, әрбір қонақ көңілді уақыт өткізіп қана қоймай, жануарларға қолдау көрсетуге өз үлесін қоса алады.

PET DOG FEST-2026 – бұл тек мереке мен ойын-сауық емес, сонымен қатар жануарларды жақсы көретін адамдарды біріктіріп, паналарға қолдау көрсетуге, үй жануарларына күтім жасау туралы көбірек білуге және бүкіл отбасымен бірге есте қаларлық күн өткізуге мүмкіндік беретін іс-шара.

Фестиваль ұйымдастырушылары: PET FOOD, ЦВМ ZOOVITA ZOOHOTEL.

Өтетін күні мен уақыты: 5 қыркүйек, сағат 11:00. Кіру тегін. Фестиваль барлығына арналған!