ШҚО-да мемлекеттік қызметшілер үшін сыбайлас жемқорлыққа қарсы іс-қимыл мәселелері бойынша семинар-тренинг өтті
ШҚО-да мемлекеттік қызметшілердің құқықтық сауаттылық деңгейін арттыру және сыбайлас жемқорлыққа қарсы мәдениетті қалыптастыру мақсатында «Сыбайлас жемқорлыққа «мүлдем төзбеушілік» принципі. Парасаттылық, адалдық, ашықтық және жауапкершілік принциптері. Сыбайлас жемқорлық фактілері туралы хабарлаған адамдарды қорғау» тақырыбында семинар-тренинг өтті.
Іс-шараға облыс әкімі аппаратының және облыстық атқарушы органдардың мемлекеттік қызметшілері қатысты.
Семинарда атап өтілгендей, заңдылықты қамтамасыз ету, сыбайлас жемқорлыққа қарсы заңнама талаптары мен «Қазақстан Республикасы мемлекеттік қызметшілерінің Әдеп кодексі» нормаларын сақтау – мемлекеттік басқару тиімділігін арттырудың және азаматтардың мемлекеттік органдарға деген сенімін нығайтудың маңызды шарттары.
Семинар барысында қатысушыларға Қазақстан Республикасының сыбайлас жемқорлыққа қарсы іс-қимыл саласындағы заңнамасының негізгі ережелері, «ҚР мемлекеттік қызметшілерінің Әдеп кодексінің» талаптары, әр мемлекеттік қызметші өз кәсіби қызметінде басшылыққа алуы тиіс парасаттылық, адалдық, ашықтық пен жауапкершілік принциптері түсіндірілді.
Сыбайлас жемқорлықтың кез келген көріністеріне «мүлдем төзбеушілік» принципіне ерекше назар аударылды. Заңнаманы және қызметтік әдепті бұзушылықтарға төзбеушілік қарым-қатынас мемлекеттік органдардың ұйымдастырушылық мәдениетінің ажырамас бөлігіне айналуы тиіс екендігі атап өтілді.
Семинар тәжірибелік жағдайлар мен кейстерді қарастыру арқылы топтық жұмыс форматында жүргізілді. Қатысушылар сыбайлас жемқорлық тәуекелдерінің алдын алу, қызметтік тәртіпті сақтау, мүдделер қақтығысына жол бермеу мәселелерін, сыбайлас жемқорлық фактілері туралы хабарлайтын адамдарды қорғау тетіктерін талқылады.
Талқылау аясында мемлекеттік органдарда ашықтық, өзара құрмет және дербес жауапкершілік атмосферасын құрудың, сыбайлас жемқорлық құқық бұзушылықтары туралы адал ниетпен хабарлайтын азаматтар мен мемлекеттік қызметшілерді қорғау кепілдіктерін қамтамасыз етудің маңыздылығы баса айтылды.
Іс-шара қорытындысы бойынша қатысушылар қаралған мәселелердің практикалық маңыздылығын және парасаттылық принциптерін нығайту, мемлекеттік қызмет туралы заңнама, сыбайлас жемқорлыққа қарсы іс-қимыл талаптары мен қызметтік әдеп нормаларын сақтау бойынша профилактикалық және түсіндіру жұмыстарын одан әрі жүргізу қажеттілігін атап өтті.
Семинарда баса айтылғандай, сыбайлас жемқорлыққа қарсы мәдениетті қалыптастыру әрбір мемлекеттік қызметшінің жеке жауапкершілігінен және оның адалдық, әділдік пен қоғам мүддесіне қызмет ету принциптеріне бейілділігінен басталады.