ШҚО-да су тасқыны қаупі бар учаскелерге әуеден барлау жүргізілуде

Қазіргі су тасқыны жағдайын бағалау мақсатында Шығыс Қазақстан облысындағы Үлкен Нарын, Марқакөл, Зайсан және Тарбағатай аудандарының аумақтарына әуеден барлау жүргізілді.

Зерттеу нәтижелері бойынша облыс аумағының шамамен 85%-ын қар жамылғысы алып жатқаны анықталды. Төменгі және оңтүстік аудандарда қар жоқ, оның негізгі қоры таулы аймақтарда шоғырланған.

Әуеден шолу барысында Марқакөл ауданындағы Орта-Теректі су қоймасының бөгеті тексерілді. Төтенше жағдайдың туындау қаупі жоқ. Сонымен қатар Қандысу су қоймасы да тексерілді. Қазір нысан транзиттік режимде жұмыс істейді, су жинақтау жүргізілмейді.

Дереккөз: ШҚО ТЖД