ШҚО тұрғындары Гиннес рекордтар кітабына енуге дайындалып жатыр

Шығыс Қазақстан облысының тұрғындары Өскемен қаласында Наурыз мерекесін тойлау кезінде ерекше рекорд орнатуға дайындық жүргізіп жатыр. Жоспар бойынша, үш мыңнан астам адам бір мезгілде домбырада әйгілі қазақ әні «Ақ бұлақ»-ты орындайды.

Бұл туралы Өңірлік коммуникациялар қызметінде өткен брифингте қала әкімінің орынбасары Болатбек Мамарбаев хабарлады.

Әнді орындау 22 наурыз күні сағат 09:00-де қаланың орталық алаңында өтеді. Арнайы комиссия келіп, нәтижені тіркеп, кейін Guinness World Records-қа өтінім беру үшін рәсімдейді.

Акцияға кез келген шығысқазақстандық қатыса алады. Ол үшін 21 наурыз күні сағат 15:00-де орталық алаңда болатын дайындыққа келу қажет. Қатысушыларға қойылатын талап ұлттық киім, әннің сөздері мен әуенін алдын ала жаттау.