Назар аударыңыз: интернет-алаяқтар қосымшалар арқылы әрекет етуде

Қаскөйлер Telegram мессенджеріндегі шағын қосымшалар арқылы әрекет ете бастады. Олар тегін кітаптар каталогы ретінде безендіріліп, қолданушыларды файл жүктеуге итермелейді.

Алаяқ боттар кітап сервисінің жұмысына ұқсатып істейді: пайдаланушының сұранысын қабылдап, кітаптың қысқаша сипаттамасын көрсетеді, содан кейін мессенджер ішіндегі оқу «тұрақсыз» жұмыс істейді деген желеумен Android жүйесіне арналған файлды орнатуды ұсынады. Мұны бөлек қосымшаны жүктеу қажеттілігімен түсіндіреді.

Тексерілмеген дереккөздерден APK-файлдарды жүктеу смартфонға зиянды бағдарламалық қамтамасыз етудің ену қаупін арттырады. Балама ретінде пайдаланушыларға жазылым негізінде жұмыс істейтін, қосымша файлдарды орнатуды талап етпейтін кітаптарды заңды тарату сервистерін пайдалану ұсынылады.