Самар ауданында мемлекеттік қызметшілермен кездесу өтті

Самар ауданы әкімдігі аппаратының мемлекеттік қызметшілерімен кездесу өтті. Кездесу барысында мемлекеттік қызметшілердің кәсіби қызметіндегі маңызды мәселелер мен этикалық нормаларды сақтау тақырыптары қаралды.
Кездесуде келесі мәселелер талқыланды: әкімшілік құқықбұзушылық жасаған мемлекеттік қызметшілердің жауапкершілігі; қызметтік әдеп пен еңбек тәртібін сақтау; мемлекеттік қызметшілердің іскерлік киім үлгісіне қойылатын талаптар; жұмыс уақытын тиімді пайдалану және артық жұмыс істеуге жол бермеу; Қазақстан Республикасының Әкімшілік рәсімдік-процестік кодексінің нормаларын түсіндіру.
Семинар жұмысына облыс әкімі аппаратының әдеп жөніндегі уәкілі М.Беккужина және мемлекеттік-құқықтық бөлімінің бас инспекторы Б.Төлегенұлы қатысты.
Іс-шара мемлекеттік қызметшілердің құқықтық мәдениетін арттыруға, жауапкершілігін күшейтуге және мемлекеттік басқару органдары қызметіндегі кәсіби әдеп деңгейін көтеруге бағытталды.