Шығыста 95 шағын су электр станциясы салынады

Шығыс Қазақстан облысында 95 шағын су электрстанциясын салуға мүмкіндік бар. Бұл туралы аймақ басшысы Нұрымбет Сақтағанов Хабар 24 телеарнасындағы «Сұхбат» бағдарламасында мәлімдеді. ⠀

Облыс әкімінің айтуынша, өңірде еліміздің суресурстарының 40%-тен астамы шоғырланған. Өзендерді зерттей келе жалпы қуаты 2 гигаватқа жуық электр қуатын өндіретін 95 шағын су электростанцияларын салуға мүмкін жерлер анықталған. ⠀

Осы жылдың қыркүйек айында Өскемен қаласында өтетін «Altaі-Invest» Халықаралық инвестициялық форумы аясында нақты инвесторлар анықталады деп күтілуде.