Глубокое ауданында экотуризм дамып, жаңа туристік нысандар салынуда

Глубокое ауданында туристік кластерді дамыту жұмыстары белсенді жүргізілуде. Бүгінгі күні ауданда 19 туристік нысан жұмыс істейді. Олардың қатарында бір экотуризм нысаны – «Зимовье» демалыс үйі, сондай-ақ екі тау шаңғысы курорты – «Нұртау» және «Алтай Альпі» тау шаңғысы базалары бар. Бұл туралы Глубокое ауданының әкімі Эльдар Тумашинов Өңірлік коммуникациялар қызметі алаңында мәлімдеді.

«Ауыл аманаты» бағдарламасы аясында 2024 жылдың соңында «Дары Природы» әлеуметтік-кәсіпкерлік корпорациясы Горная Ульбинка ауылында ат базасын абаттандыру және жабдықтау жобасы үшін несие алды. Бұл жоба аталған орынның туристік тартымдылығын арттырып, белсенді демалысқа жаңа мүмкіндіктер ашуға жол береді.

Заманауи туристік нысандарды салуға ерекше көңіл бөлінуде. Қазіргі уақытта «The Forest» мейрамханасының аумағында SPA-орталық, қонақ үй, қонақ үйлер, жабық бассейн және жылдам тамақтану пунктінің құрылысы жүріп жатыр.

Жол бойы сервисін дамыту да басым бағыттардың бірі. «Өскемен – Шемонаиха» республикалық тас жолының бойындағы Предгорное ауылында кафе мен техникалық қызмет көрсету станциясы бар жаңа жол бойы сервис нысанының құрылысы жүріп жатыр.

Қолданыстағы нысандардың инфрақұрылымы да кеңейтілуде. Быструха ауылында орналасқан жалпы инвестиция көлемі 1,5 млрд теңгеден асатын «Заречье» эко-қонақ үйін кеңейту жобасы да жалғасуда.

Сонымен қатар, биыл Зимовье ауылының жанында, «Ульяна» кафесінің қасында санитарлық-гигиеналық аймақ орнатылады. Бұл шара туристер үшін жағдайды жақсартуға бағытталған.

Айта кету керек, БАҚ өкілдері үшін ауданның үш негізгі нысанына пресс-тур ұйымдастырылды. Олар – Прапорщиково ауылындағы дәрігерлік амбулатория, («Жайлы мектеп») жобасы аясындағы №2 Белоусовка орта мектебі, сондай-ақ Горная Ульбинка ауылындағы туристік аймақ, мұнда «The Forest» мейрамханасының аумағында SPA-орталық, қонақ үй және өзге де туристік инфрақұрылым нысандарының құрылысы жүріп жатыр.