Көшпелі кездесудің бүгінгі көрінісі Батыр ауылдық округі тұрғындарымен өтті. Мұнайлы ауданының әкімі Е.Күмісқалиев №15 мектепке жиылған тұрғындарға ауданда атқарылған бірқатар жұмыстар барысын, алға қойылған жоба-жоспарлар көрсеткішін баяндап берді.
Ауылдық округ тұрғындары аудан басшысына газ, су, жол мәселелері, автобустардың аздығы маңызды мәселе екендігін, сондай - ақ ауылды абаттандырып, мәдениет, руханият ошақтарын көбейтсек, азық-түлік өнімдерінің жәрмеңкесі үшін аудан орталығына қатынамай, өз ауылымыздан сондай бір жәрмеңке ашылса деген ұсыныстарын жеткізді.
Аудан әкімі құбыр мәселесі шешілсе, суға қатысты сұрақтар да бірте - бірте жауабын табатындығын, ауылды абаттандыру, көркейту мәселесі де қаражаттың бөлінуіне қарай шешімін табатындығын айтты.
Кездесуге жиналған тұрғындар "Тазалық - өз қолымызда. Ауылымызды өзіміз ауызбіршілікпен күтіп, таза ұстайық" - деп бір - бірін татулыққа үгіттеді.