Қарақия ауданында өзекті мәселелер бойынша кеңейтілген аппараттық жиналыс өтті

⚜️16 сәуір күні Қарақия ауданының әкімі Сымбат Қуанышұлының төрағалығымен ауданның өзекті мәселелері қаралған кеңейтілген аппараттық жиналыс өтті. Жиынға аудан әкімінің орынбасарлары, бөлім басшылары, ауыл әкімдері мен мемлекеттік мекеме жетекшілері қатысты.

⚜️Күн тәртібінде Қарақия ауданындағы бірқатар әлеуметтік, инфрақұрылымдық және экономикалық мәселелер қаралды. Атап айтқанда:

* Көктемгі санитарлық-тазалық және абаттандыру жұмыстары;

* Ауылішілік және аудандық жолдардың жөндеу барысы;

* Ауыз су және кәріз жүйелерінің жағдайы;

* Білім беру, денсаулық сақтау нысандарындағы түйткілдер;

* Халықпен кері байланысты арттыру және мемлекеттік қызмет көрсету сапасы.

⚜️Сымбат Қуанышұлы әр бағыт бойынша баяндама жасаған сала жетекшілерінің есебін тыңдап, орын алып отырған мәселелерге нақты талдау жүргізіп, міндеттерді шешудің жолдарын айқындады. Аудан басшысы тұрғындар тарапынан түскен ұсыныс-пікірлерді ескерудің және оларды уақытылы шешудің маңыздылығына тоқталып, атқарушы органдардың жауапкершілігін күшейту қажет екенін атап өтті.

⚜️Жиын соңында аудан әкімі Сымбат Қуанышұлы барлық бөлім басшылары мен ауыл әкімдеріне нақты тапсырмалар жүктеп, олардың орындалу барысын жеке бақылауына алатынын жеткізді.

Қарақия ауданы әкімдігінің баспасөз қызметі