«Ауыл - ел бесігі»:

Құрық ауылын абаттандыру мақсатында көптеген игі істер атқарылуда. Солардың бірі - көше жарығы.

Тұрғындар тарапынан ауылдың кіре берісіне жарық бағаналарын орнату туралы ұсыныстар көтерілген болатын. Халықтың ұсынысы ескеріліп, республикалық бюджетке сұраныс беріліп жарық бағаналарын орнатуға қолдау табылды.

Бүгінгі күні, «Ауыл - ел бесігі» мемлекеттік бағдарламасы аясында Құрық ауылының барлық шағын аудандарын жарықтандыру жұмыстары жүргізіліп жатыр, қазір 1000 - нан аса энергия үнемдегіш шамдар қойылды.

- Орнатылған жарық бағаналары көңіл қуантады. Тұрғындардың өтінішіне бей-жай қарамай елеп-ескеріп жатқан басшылыққа ризашылығымызды білдіреміз - дейді ауыл тұрғандары риясыз көңілдерін білдіріп.

Жарық шамдарын орналастырумен мердігер мекеме «БекАктауГазСнап» ЖШС жүргізді.

Қарақия ауданы әкімдігінің баспасөз қызметі