Қарақия ауданында «Таза Қазақстан» республикалық экологиялық акциясы аясында ауқымды сенбілік ұйымдастырылды

Сенбілік барысында белгіленген аумақтарда тазалық жұмыстары жүргізіліп, қоршаған ортаны қорғау бағытында кешенді шаралар атқарылды.

Атап айтқанда, іс-шараға 350-ге жуық адам қатысып, 12 арнайы техника жұмылдырылды. Нәтижесінде 100 тоннаға жуық тұрмыстық қалдық шығарылып, аудан аумағында 780 көшет отырғызылды.

- Әрбір таза көше, әрбір егілген көшет — болашаққа деген қамқорлықтың белгісі. Қоршаған ортаны таза ұстау тек бір күндік сенбілікпен шектелмейді, ол — әр адамның күнделікті әдетіне айналуы тиіс, - дейді сенбілікке қатысушы.

Сенбілікке аудан тұрғындары мен мемлекеттік қызметшілер белсенді түрде қатысты.

Бүгінгі тазалық – ертеңгі жарқын өмірдің кепілі.

Қарақия ауданы әкімдігінің баспасөз қызметі.