ҚЫСТЫҢ ҚАМЫН - ЖАЗДА ОЙЛА: Қарақия ауданына жол күтіміне арналған арнайы техника алынды

Маңғыстау облысының әкімі Н.И. Қилыбайдың аудан тұрғындарымен кездесуінде жол қауіпсіздігін қамтамасыз ету мақсатында арнайы техника сұрап, тұрғындар тарапынан мәселе көтерілген болатын, бүгінгі күні аталған мәселе оң шешімін тапты.

Аудан аумағындағы жол қауіпсіздігін қамтамасыз ету және маусымдық ауа райының әсерінен туындайтын қиындықтардың алдын алу мақсатында көпфункционалды арнайы жол техникасы сатып алынды.

Аталған техника жылдың барлық мезгілінде тиімді қолдануға бейімделген. Жаңа техника көлік қозғалысының қауіпсіздігін қамтамасыз ету үшін бірнеше қызмет атқарады. Көшелер мен жолдарды қар мен мұздан тазарту, тұз, қүм себу, жолдарды жуу және шаң құмнан тазалау функцияларыда қамтылған.

Бұл техника аудан орталығындағы және ауылдық елді мекендердегі жолдарға сапалы техникалық қызмет көрсетуге мүмкіндік береді. Қазіргі таңда техника жауапты мекемеге табысталып, жұмысқа толық дайын.

Қарақия ауданы әкімдігінің баспасөз қызметі.