Құрық ауылындағы көппәтерлі үйлердің жөндеу жұмыстары жүргізілуде

Қарақия ауданының әкімі Сымбат Төретаев, Құрық ауылында орналасқан ескі көппәтерлі тұрғын үйлерге жүргізіліп жатқан ағымдағы жөндеу жұмыстарының барысын арнайы барып тексерген болатын. Жұмыс сапары барысында бірқатар сын - ескертпе айтты.

Бүгінгі күні айтылған сын - ескертпелерді жою бағытында тиісті жұмыстарды жүргізді. Атап айтқанда құрылыс-монтаж жұмыстары жүргізіліп жатқан аумаққа арнайы қауіпсіздік белгілері қойылды, аталған аумақта тазалық жұмыстары ұйымдастырылуда, ескі шатырлары алынып, бүгінгі күні төбесі ашық тұрған тұрғын үйлерге тиісті шаралар қабылданды. Сондай-ақ, өрт қауіпсіздігі мақсатында арнайы қорғаныш сіңдіру (пропитка) жұмыстары жүзеге асады.

Аталған жөндеу жұмыстары аясында шатыр, есік-терезелерді ауыстыру,  сыртқы қасбетті жөндеу және ішкі кіреберісті қалыпқа келтіру жұмыстары жүргізіледі.

Қарақия ауданы әкімдігінің баспасөз қызметі.