Қарағанды облысының оқушылары роботехника бойынша Халықаралық Чемпионаттың ұлттық кезеңіне іріктеуден өтті
Астана мен Алматыда First Robotics халықаралық чемпионатының республикалық кезеңіне үздік робототехниктерді іріктеу бойынша FIRST LEGO League және FIRST Tech Challenge жарыстары өтті. Қарағандылық Н. Нұрмақов атындағы ММЛИ #Nurmakov1 командасы абсолютті чемпион атанды, ал "Мұрагер" ММЛИ JelToqSun командасы бас жүлдені жеңіп алды.
Бірінші болып қарағандылық Н. Нұрмақов атындағы ММЛИ #Nurmakov, "Дарын" ММЛИ DARYN, "Мұрагер" ММЛИ Alash және "Ақпараттық технологиялар" ММЛИ Mirinda командалары алға шықты. Облыс робототехниктері жетістіктерінің қоржынында түрлі номинациялар бойынша үшінші орындар бар.
Өңірлік іріктеу жарыстарына Астана, Қарағанды, Ұлытау, Ақмола, Қостанай, Солтүстік Қазақстан және Павлодар облыстарынан 40-тан астам команда қатысты.
Біздің аймақты 13 команда ұсынды, олардың құрамында 10—16 жас аралығындағы балалар бар.
— Біздің DARYN командасы Innovation Project номинациясында бірінші орынды иеленді. Оның құрамында "Дарын" мамандандырылған мектеп-лицей-интернатының жеті жоғары сынып оқушысы бар. Жалпы, халықаралық лига үш кезеңнен тұрады. Біріншісі Қазақстанның төрт қаласында өтті. Астананың "Нұрорда" мектебінде өткен өңірлік кезеңде біздің команда жеңімпаз атанды. Енді халықаралық турға дайындалып жатырмыз, — деді информатика пәнінің оқытушысы Әсел Қасым.
– Біздің робот – көлемі бойынша орташа, көп функциялы робот. Оның ойын алаңында әртүрлі тапсырмаларды орындау мүмкіндігі бар. Командалық үлгі әртүрлі алынбалы шағын құрылғылармен жабдықталған, сонымен қатар, жабдықтамалар өз кезегінде әртүрлі тапсырмалардың орындалуын қамтамасыз етеді, – дейді «Дарын» ММЛИ 10-шы сынып оқушысы Еділ Сабдалы.
— Балалар зерттеу, проблемаларды шешу, бағдарламалау және дизайнмен айналысады. Олар белгілі бір тапсырманы орындайтын LEGO®️ Education SPIKETM Prime Robot Heme LEGO®️ MINDSTORMS®️ роботын құрастырады және бағдарламалайды. Біздің мектептен екі команда қатысты. JelToqSun балалары Robot Performance Award Champions номинациясында бас жүлдені, ал Alash-тың құрамы Robot Design санатында бас жүлдені жеңіп алды, — дейді "Мұрагер" информатика және робототехника мұғалімі Бердібек Қазығұлов.
Жарыстың ұлттық кезеңі 24—26 ақпанда өтеді. Жеңімпаздар мен жүлдегерлер АҚШ-тың Хьюстон қаласында өтетін халықаралық чемпионатқа қатысуға құқылы (квота).
