Биыл Чернобыль АЭС-індегі апатқа 36 жыл толды

1986 жылы 26 сәуірде Чернобыль атом электр станциясында апат болды. Ол ХХ ғасырдағы ең қорқынышты технологиялық апат болып табылады. Реактордағы өрттің салдарынан атмосфераға 190 тоннаға жуық радиоактивті заттар шығарылды. 400 мыңнан астам адам экологиялық апат аймағында болып, 90 есе сәулеленуге ұшырады.
Осыдан тура 36 жыл бұрын Отанымыздың шақыруымен мыңдаған жерлестеріміз Чернобыль апатын жоюға қатысып, патриоттық және азаматтық парызын орындады. Қарағанды облысы бойынша Чернобыль оқиғасының 593 қатысушысы, оның ішінде Қарағанды қаласы бойынша 250 құрметті ардагер бар. Бүгін Қарағанды қаласының Жеңіс саябағында Чернобыль апатының 36 жылдығына және радиациялық апаттар мен апаттарда қаза тапқандарды еске алу күніне арналған салтанатты митинг өтті. Митингке Қарағанды қалалық мәслихатының хатшысы Бексұлтанов Қ.Б., ардагерлер, қала тұрғындары қатысты. Митингке қатысушылар монументтің жанына гүл шоқтарын қойып, Чернобыль АЭС-індегі қайғылы оқиғалардың құрбандарын бір минут үнсіздікпен еске алды.