Кедергісіз жол: Ақтауда тағы бір қосымша оңға бұрылыс жолы пайдалануға берілді

Ақтауда 19-шағын аудандағы “Альбион” ТҮК маңындағы жол қиылысына қосымша оңға бұрылыс жолы ұйымдастырылды. Енді жүргізушілер бағдаршамға қарамастан кедергісіз жүре алады.

Айта кетейік аталған жұмыс көлік қозғалысын жақсарту және кептелісті азайту мақсатында қолға алынған болатын. 

Ақтау қалалық жолаушылар көлігі және автомобиль жолдары бөлімі аталған қиылыс жолдағы сызбаға өзгерістер енгізілуіне байланысты жүргізушілерден жол белгілеріне назар аударып, жол ережелерін сақтауды сұрайды.

 

Ақтау қаласы әкімдігінің баспасөз қызметі