Ақтауда “Kazakh Record” ұлттық киімдер фестивалі өтеді

Наурыздың 22-сінде Ақтау қаласында қазақ халқының ұлттық киімі мен салт-дәстүрін әлемге танытатын «Kazakh Record» фестивалі өтеді. 

Іс-шараның басты мақсаты – ұлттық киімді дәріптеп, оның бай мәдени мұрасын халықаралық деңгейде көрсету.

Қатысу шарттары:

• Фестивальге 16 жастан асқан кез келген адам қатыса алады.

• Қатысушылар http://kazakhrecord.kz/ сайтына кіріп, 362 теңге көлемінде қатысу жарнасын төлеп, арнайы форманы толтыруы қажет.

• Тіркеуден кейін 20 наурызға дейін ұйымдастырушылардан жеке нөмір беріледі.

• 22 наурыз күні сағат 9:00-ден 10:30-ға дейін бекітілген орынға каталогқа сәйкес ұлттық киіммен келу қажет.

• Рекорд қою рәсімі сағат 10:30-да басталады. Барлық қатысушыларға арнайы білезік беріледі.

Мекен-жайы:

Ақтау қаласы, 15 ша/а, 68-ші үйіне қарама-қарсы теңіз жағалауы.

Ұлттық киімдердің ерекшеліктері:

Фестивальде қазақтың дәстүрлі бас киімдері ерекше назарда болады:

• Тақия – цилиндр пішінді, әшекейлермен безендірілген, ұлттық нақыштағы бас киім.

• Бөрік – барқыттан, қой терісінен жасалып, салқын мезгілде киетін ерлер мен әйелдердің бас киімі.

• Сәукеле – ұзатылатын қызға арналған ең әсем әрі биік бас киім. Сыртқы бөлімі күміс және асыл тастармен безендіріледі.

• Кимешек – әйелдердің дәстүрлі бас киімі, көбінесе үлкен жастағы аналарға арналған.

• Орамал – ақ матадан жасалып, иық пен арқаға жауып тұратын ұлттық бұйым.

Мақсаты мен маңызы:

“Kazakh Record” фестивалі қазақтың ұлттық киімін, оның бай мәдениетін және тарихи мұрасын насихаттауды көздейді. Ұлттық құндылықтарды дәріптеумен қатар, бұл шара жастардың патриоттық рухын оятып, қазақи салт-дәстүрді ұрпақтан-ұрпаққа жеткізуге ықпал етеді.

Уақыты мен орны:

• Күні: 22 наурыз 2025 жыл

• Уақыты: Сағат 9:00

• Өтетін орны: Ақтау қаласы, 15 ша/а, 68-ші үйіне қарама-қарсы теңіз жағалауы.

Ұлттық киімді құрметтеп, оның сәні мен мәнін әлемге паш еткісі келетін барша қазақстандықтарды «Kazakh Record» фестиваліне шақырамыз!

 

Ақтау қаласы әкімдігінің баспасөз қызметі