АҚТАУ ҚАЛАСЫНЫҢ 60 ЖЫЛДЫҒЫНА АРНАЛҒАН ҮЗДІК ЛОГОТИП БАЙҚАУЫ ҚАЙТА ЖАРИЯЛАНДЫ

Ақтау қаласының әкімдігі қаланың 60 жылдық мерейтойына арналған үздік логотипке байқау жариялады.

1)Өтінімдер 2023 жылдың 9 қаңтар-22 қаңтар аралығында қабылданады;

2)Конкурстық жұмыстарды қазылар алқасының қарауына жіберу – 2023 жылдың 23-25 қаңтар;

3)Онлайн дауыс беру – 2023 жылдың 26 қаңтар-9 ақпан;

4)Байқау нәтижесі 10 ақпанда жарияланады.

Конкурстық жұмыстарға қойылатын негізгі талаптар:

- жұмыс оңай оқылуы керек, түпнұсқа графикалық элемент пен қаріптік атауды қамтуы керек. Жұмыс дизайн мен мәтінді біріктіре алуы тиіс.
- конкурстық жұмыс ассоциативтілік, әмбебаптық, өзіндік ерекшелік, есте қаларлық, экспрессивтілік, функционалдылық, ықшамдық сияқты талаптарға сай болуы тиіс;
- логотипте «60» саны немесе «Ақтау 60 жыл»деген жазу болуы тиіс;
- жұмыс келесідей өзгерістерге ұшырауы мүмкін: қысқарту немесе ұлғайту және ақ-қара реңктерге аудару, өзгерген жағдайда логотиптің әсері жоғалмауы керек;
-жұмыс түрлі түсті немесе ақ-қара да болуы мүмкін;
- жұмыс сандық EPS, jpg, ai, cdr, pdf форматында ұсынылуы керек;
- жұмыста бұрын басқа салада қолданылған дизайн немесе сурет болмауы керек.

«Логотип – футболка, бейсболка, қалам және билбордта басылады. Сондықтан эскиз жасау барысында логотиптің үлкейтіліп, кішірейтілетінін басты назарға алу қажет»,- деді ішкі саясат бөлімінің басшысы Гүлмира Балғожаева.
 
Конкурстық жұмыстар «Логотип байқауы» тақырыбымен aqtau.akimat@gmail.com электрондық поштасына жіберіледі.

Байқау ережелерімен Ақтау қаласы әкімдігінің ресми сайтынан таныса аласыздар.