Маңғыстау облысы коронавирус инфекциясының таралуы бойынша «сары» аймаққа өтті

Маңғыстау облысында эпидемиологиялық ахуал тұрақсыз. Өңір «сары аймаққа» өтті. Бұл туралы қоғамдық коммуникация орталығында өткен брифингте Маңғыстау облысы санитариялық-эпидемиологиялық бақылау департаментінің басшысы Ғазиз Надуев мәлімдеді.

Соңғы  тәулікте  облыс бойынша 156 адамнан коронавирус инфекциясы анықталды.  Оның ішінде  Ақтау - 80, Жаңаөзен – 20, Түпқараған ауданы – 6, Қарақия ауданы – 3, Маңғыстау ауданы – 4 , Бейнеу ауданы -3, Мұнайлы ауданында - 40 жағдай тіркелді.

-Оның ішінде шағыммен қаралған науқас – 87 (55,7%),   шағымсыз қаралған науқастар саны – 69 (44,3%) жағдай болды. 137-сі ересектер, 14 жасқа дейінгі балалар арасында -18, 15-17 жас 1 жағдай тіркелді.  Тіркелген 156 науқастың ауруханаға жатқызылғаны - 28, 128-і үй жағдайында емделуде. Жалпы соңғы кездері өңірде эпидемиологиялық ахуал тұрақсыз болып тұр. Өңір «сары» аймаққа өтті. Коронавирус инфекциясынан сақтанудың бірден-бір жолы екпе салдыру. Сондықтан екпе алмаған тұрғындарды екпе алуға шақырамыз. Сондай-ақ, ревакцинацияны да ұмытпау қажет. Сонымен қатар, бетперде тағуды ұмытпау керек. Адамдар көп шоғырланған жерлерге бармау керек. Әлеуметтік арақашықтықты сақтау қажет, - деді Маңғыстау облысы санитариялық-эпидемиологиялық бақылау департаментінің басшысы Ғазиз Надуев

Бүгінгі таңда облыс бойынша екпенің 1 компонентімен 192 762 адам (49,6%), 2 компонентімен 175 117 адам (45,0%) екпемен қамтылды.  Ал, 10 145 адам ревакцинациядан өтті.