Ақтау қаласында абаттандыру ережелерінің сақталуына мониторинг жүргізілуде

Ақтау қаласы әкімінің тапсырмасына сәйкес, «Таза Қазақстан» экологиялық акциясы аясында қала аумағындағы шағын аудандарда тұрақты мониторинг жұмыстары жүргізілуде.

Қазіргі таңда мониторинг барысында бірқатар шағын ауданда орналасқан 4 құрылыс нысанының абаттандыру қағидаларын бұзғаны анықталды.

Анықталған заңбұзушылықтарға байланысты құрылыс компанияларының өкілдеріне Қазақстан Республикасының Әкімшілік құқық бұзушылық туралы кодексінің 505-бабына сәйкес 20 АЕК мөлшерінде әкімшілік айыппұл салынды. Сонымен қатар, оларға құрылыс нысандарының аумағын тазалау, ретке келтіру және тиісті санитарлық талаптарға сай күтіп ұстау міндеттелді.

- Құрметті қала тұрғындары мен кәсіпкерлік субъектілері! Қала тазалығы мен көркеюіне ортақ жауапкершілікпен қарап, абаттандыру және санитарлық тазалық талаптарын сақтауға шақырамыз, — деді Ақтау қалалық сәулет және қала құрылысы бөлімі басшысының орынбасары Бегалы Хожахметов.

Аталған мониторингтік шаралар алдағы уақытта да тұрақты түрде жалғасын табады.

Ақтау қаласы әкімдігінің баспасөз қызметі