«Жанұя» отбасын қолдау орталығына – 5 жыл

Биыл Ақтау қаласы әкімдігінің «Жанұя» отбасын қолдау орталығының құрылғанына 5 жыл толды. Осы атаулы күнге орай мекеме ғимаратында мерекелік іс-шара ұйымдастырылды.

Шара барысында орталықтың қолдауына ие болған әйелдердің қатысуымен жәрмеңке өтіп, орталықтың белсенді 5 отбасы арнайы марапатталды. Сонымен қатар балаларға арналған әндер шырқалып, аниматорлар мерекелік көңіл-күй сыйлап, өз өнерлерін паш етті.

Айта кетейік, Ақтау қаласы әкімдігінің «Жанұя» отбасын қолдау орталығы КММ-сі өмірлік қиын жағдайға тап болған адамдарды (отбасыларды) жан-жақты қолдауды, тұрмыстық зорлық-зомбылықтың алдын алуды жүзеге асыру және отбасы институтын нығайту, отбасының әл-ауқатын арттыру, әлеуметтік, заңдық және психологиялық кеңес беріп, қолдау көрсетеді. 

Орталық  мамандары 2026 жылдың 1 маусымына дейін 494 қызмет көрсетті. Оның ішінде 146 психологиялық, 15 құқықтық сондай-ақ 333 әлеуметтік бағыттағы көмек.

Ақтау қаласы әкімдігінің баспасөз қызметі