Ақтау қаласында жол инфрақұрылымын жаңарту жұмыстары қарқын алды

Биыл қала аумағында жалпы көлемі 46 мың шаршы метрді құрайтын жол таңбаларын жаңарту жоспарланған. Жыл басынан бері оның 7 мың шаршы метрінде жол таңбалары жаңартылды.

Сонымен қатар, қалада 500-ге жуық жол белгісін жаңарту және қосымша 250 жаңа жол белгісін орнату көзделіп отыр. Сондай-ақ, ағымдағы жылы қала аумағында жалпы көлемі 15 мың шаршы метрді құрайтын шұңқырлы жолға асфальт жабынын төсеу жұмыстары жалғасуда.

- Аталған бағыттағы жұмыстар кезең-кезеңімен жүйелі түрде жүзеге асырылады, – деді Ақтау қалалық жолаушылар көлігі және автомобиль жолдары бөлімінің сектор меңгерушісі Исматулла Адай.

Ақтау қаласы әкімдігінің баспасөз қызметі