Ақтауда 31 «Б» шағын ауданда пәтер иелері кооперативі сенбілік өткізді

«Таза аула» экологиялық акциясы аясында Ақтау қаласының 31 «Б» шағын аудан 16 және 18 үйлердегі пәтер иелері кооперативі аталған игі бастамаға белсенді түрде үлес қосты.

Қызмет көрсетуші мекеме өкілдері аула аумағында кешенді тазалық жұмыстарын жүргізіп, тұрмыстық қалдықтарды жинап, арнайы орындарға шығарды. Сонымен қатар, жасыл желектерге күтім жасалып, ағаштар әктелді, орындықтар мен жол жиектастары қалпына келтірілді.

Ақтау қаласы әкімдігінің баспасөз қызметі