Ақтауда колледж студенттеріне арналған сыбайлас жемқорлықтың алдын алу жөнінде семинар өтті

Ақтау қалалық ішкі саясат және тілдерді дамыту бөлімінің әлеуметтік мемлекеттік тапсырысы аясында қаладағы колледж студенттеріне арналған сыбайлас жемқорлықтың алдын алу тақырыбында семинар ұйымдастырылды.

Іс-шарада жастарға сыбайлас жемқорлықтың қоғамға тигізер кері әсері мен оның алдын алу тетіктері жөнінде кеңінен түсініктеме берілді.

Семинар барысында студенттер белсенділік танытып, ашық сұрақтар қойып, өз ой-пікірлерін ортаға салды. Қатысушылар сыбайлас жемқорлықтың алдын алуға бағытталған нақты ұсыныстарын білдіріп, бұл мәселе жөнінде саналы көзқарас қалыптастырудың маңыздылығына тоқталды.

Ақтау қаласы әкімдігінің баспасөз қызметі