Ақтау заңсыз қоқыс үйінділерін жою жұмыстары басталды

Ақтау қаласында экологиялық жағдайды жақсарту және санитарлық тазалықты қамтамасыз ету мақсатында заңсыз қоқыс үйінділерін жою жұмыстары басталды.

«Қазақстан Ғарыш сапары» ұлттық компаниясы жүргізген ғарыштық мониторинг нәтижесінде Маңғыстау облысы аумағынан 61 заңсыз қоқыс үйіндісі анықталған. Соның 17-сі Ақтау қаласының аумағында орналасқан.

Қала әкімдігі анықталған заңсыз қоқыс үйінділерін жою жұмыстарын қолға алды. Коммуналдық сала мамандары қала аумағында орналасқан өндірістік аймақтағы учаскелердің бірінен 60 тоннаға жуық қатты тұрмыстық қалдық шығарылды. Бұл жұмысқа төрт бірлік арнайы техника тартылды.

Алдағы уақытта да заңсыз қоқыс үйінділерін жою жұмыстары жүйелі түрде жалғасын табады.

Ақтау қаласы әкімдігінің баспасөз қызметі