Ақтауда 16-шағын ауданның ішкі жолдары уақытша жабылады

Ақтау қаласында 16-шағын аудандағы инженерлік желілерінің құрылысы аяқталған автомобиль жолдарына құрылыс жұмыстары жүргізіледі. Осыған орай 16-шағын ауданның кейбір учаскелері уақытша жабылады.

Аталған жұмыстар тамыз айының 28-29 күндеріне жоспарланған. Басқа учаскелердегі жол құрылысы алдағы уақытта кезең-кезеңімен жүзеге асырылады.

Ақтау қалалық құрылыс бөлімі қала тұрғындарынан уақытша келтірілген қолайсыздықтарға түсіністік танытуды сұрайды.

Ақтау қаласы әкімдігінің баспасөз қызметі