Ақтауда биыл 9,8 шақырым магистральдық жылу желілерін қайта жаңғырту жұмыстары жылыту маусымына дейін аяқталады

Облыс орталығы Ақтау қаласында 2024 жылы 11,4 шақырым магистралдық жылу құбыры жаңартылды. Биыл бұл жұмыстар жалғасып, мамандар 9,8 шақырымдық жылу желілерін қайта жаңғырту жұмыстары жүргізілуде. Аталған жұмыстарды жылыту маусымы басталғанға дейін аяқтау жоспарлануда. Бұл туралы Ақтау қаласының әкімі Әбілқайыр Байпақов есептік кездесуде баяндады.

- Одан бөлек, Ақтау қаласының 3А, 3Б және аурухана қалашығы 10,2 шақырым жылумен жабдықтау желілерінің қайта құрылымдау үшін Республикалық бюджеттен қаражат бөлініп, жұмыстар басталды. 2023 жылы Орталық жылу бекетінің құрылысы (ЦТП) және №2 Орталық сумен жабдықтау торабынан (ЦУВС-2) орталық жылу бекетіне дейін 4,2 км су құбыры жүргізілді. Аталған нысан бойынша жұмыстар келесі жылға өтпелі, нысанды аяқтау үшін 2025 жылға жергілікті бюджеттен қаражат бөлініп, жұмыстар басталды, деді Ақтау қаласыныңәкімі Әбілқайыр Байпақов.

Бұдан бөлек, Ақтау қаласы бойынша 1,2,3,4,5,6,7,8,9,14,15,22,23,24 шағын аудандардыңжалпы ұзындығы 233 шақырымды құрайтын жылу желілерін жаңарту жұмыстары бойынша 14 жобаның жобалық-сметалық құжаттамасы жасақталуда. Сондай-ақ Ақтау қаласында 195тұрғын үйді жылумен қамтитын 21 дербес автономды қазандық бар, оның 12-і жеке меншікте болса, 8 қазандықпен Ақтау қалалық тұрғын-үй коммуналдық шаруашылығы бөлімінің теңгерімінде. Бүгінгі күні «Ақтау тұрғын үй» МКК Ақтау қаласында 8 қазандық (19 ш/а, 31Б ш/а-2дана, 32Б ш/а, 32В ш/а-2 дана, 35 ш/а-2 дана) 32 тұрғын үйді жылумен қамтамасыз етіп отыр.

Ақтау қаласы әкімінің баспасөз қызметі