АТЫРАУ ҚАЛАСЫНДА КЕЗЕКТЕН ТЫС КОМИССИЯ ОТЫРЫСЫ ӨТТІ

Бүгін Атырау қалалық табиғи және техногендік сипаттағы төтенше жағдайлардың алдын алу және жою жөніндегі қалалық комиссияның кезектен тыс отырысы өтті. Комиссия отырысына қала әкімінің орынбасары, комиссия төрағасы Тілек Махуов төрағалық етті. Отырысқа комиссия мүшелері мен жауапты мекемелердің өкілдері қатысты.

Күн тәртібінде 2026 жылғы 19 қаңтарда өтетін «Крещение Господне» діни мерекесі кезінде қауіпсіздікті қамтамасыз ету мәселесі қаралды.

Аталған мереке күндері төтенше жағдайлардың алдын алу және азаматтардың қауіпсіздігін қамтамасыз ету мақсатында бірқатар ұйымдастырушылық шаралар белгіленді.

Атырау қаласы аумағында «Жайық» өзенінде суға түсуге арналған 3 арнайы орын анықталды:

• Атырау қаласы, Әйтеке би көшесі №41, «Орал» кафесінің алды;
• Тұрғын үй қалашығы, «Малибу» жағажайы;
• Атырау шағынауданы, Мечников көшесі, «Жайық» өзені жағалауы.

Отырыс қорытындысы бойынша тиісті мекемелерге нақты тапсырмалар жүктелді:

• Атырау қаласының Төтенше жағдайлар басқармасына – мереке күні кезекшілік ұйымдастырып, суға түсу кезінде қауіпсіздікті қамтамасыз ету үшін арнайы сүңгуірлерді дайындықта ұстау;
• Атырау қаласының Полиция басқармасына – белгіленген орындарда учаскелік полиция инспекторларының кезекшілігін ұйымдастыру;
• Атырау қалалық Ішкі саясат бөліміне – қоғамдық және саяси тұрақтылықты қамтамасыз ету мақсатында жауапты мамандарды бекітіп, жағдайды бақылауда ұстау;
• «АрнауылАвтоБаза» ЖШС-не – суға түсуге арналған орындардың айналасын арнайы темір қоршаулармен (турникет) қоршау жұмыстарын ұйымдастыру.

Комиссия отырысының негізгі мақсаты – мереке күндері тұрғындардың қауіпсіздігін қамтамасыз етіп, төтенше жағдайлардың алдын алу.