Көру қабілеті бұзылған балаларды жалпы білім беретін мектептердің білім беру ортасына қосу үшін жағдай жасауға бағытталған «Әлемді ашамыз» жобасын іске асыру шеңберінде жұмыс жалғасуда.

Көру қабілеті бұзылған балаларды жалпы білім беретін мектептердің білім беру ортасына қосу үшін жағдай жасауға бағытталған «Әлемді ашамыз» жобасын іске асыру шеңберінде жұмыс жалғасуда. Екі күн ішінде «Аксеновка орта мектебі» КММ базасында көру қабілеті бұзылған балалармен жұмыс жасауда педагогтарға консультативтік-әдістемелік көмек көрсету бойынша практикалық семинар өтті.

Жаттықтырушы Сагимбаева Сауле Лябивовна, Астана қаласындағы №10 мектеп-гимназиясының тифлопедагогі, семинар қатысушыларын               Л. Брайль жүйесі бойынша оқу мен жазуды оқыту әдістемесімен, бедерлі-нүктелі қаріп негізіндегі әліпби және математикалық таңбалармен, сондай-ақ Брайль қарпін меңгеруге қажетті тифлотехникалық құралдармен таныстырды.

Мектепте көру қабілеті бұзылған балаларды оқыту үшін тиісті жабдықтар бар: швед қабырғасы, тифлокешендер, ойын конструкторлары, жұмсақ текшелер, сыңғырлайтын волейбол добы, өлшеу құралдары. Жақында мектепке Брайльдің бедерлі-нүктелі қарпімен басып шығаруға арналған механикалық жазу машинкасы, принтер және арнайы қағаз жеткізілді. Барлық жабдықтарды «Дара» жеке қоры сатып алып, мектепке жеткізді.

Сауле Лябивовнаға көру қабілеті бұзылған балалармен жұмыс істеу әдістемесін меңгеруге, онлайн форматта тұрақты түрде кеңес алуға мүмкіндік бергені үшін алғысымызды білдіреміз. Бағалы тәжірибе мен одан әрі кәсіби өсуге жігер бергені үшін үлкен рақмет!