Ақпараттық хабарлама

2025 жылғы 29 мамырдағы жедел деректерге сәйкес, Қазақстан аумағында 4,774 млн га ауыл шаруашылығы алқабы тексерілді. Оның ішінде 2,1 млн га жерге үйірлі шегірткелер таралған. 700,8 мың га алаңда химиялық өңдеу жүргізілді.

Түркістан облысында мароккалық шегірткеге қарсы өңдеу жұмыстары аяқталуға жақын. Қазіргі таңда 371 780 гектар жер өңделіп, тазалау жұмыстары жүріп жатыр.

Жамбыл облысында да мароккалық шегірткеге қарсы шаралар аяқталды. Сонымен қатар, 49 600 га алаңда итальяндық прусқа қарсы күрес шаралары жалғасуда.

Қызылорда облысында 18 440 га, Ақтөбе облысында — 79 300 га, Қарағанды облысында — 7 100 га жерге химиялық өңдеу жүргізілді.

Жалпы алғанда, үйірлі шегірткеге қарсы химиялық өңдеу жұмыстары елдің 15 өңірінде белсенді түрде жүргізілуде. Бұл жұмыстарға 443 арнайы бүріккіш техника жұмылдырылған, олардың қатарында 55 жеңіл авиация борты мен 49 дрон бар. Зерттеу және күрес шараларына 4 625 маман тартылған.

Өңірлердегі жұмыстарды облыс әкімдерінің орынбасарлары жетекшілік ететін жедел штабтар үйлестіруде.

Ауыл шаруашылығы министрлігі азаматтардың өтініштеріне жедел әрекет ету мақсатында Call-орталық пен Telegram-чат құрғанын хабарлаймыз.

Call-орталық күн сайын сағат 09:00-ден 18:00-ге дейін +7 (7172) 72 53 82 нөмірі бойынша жұмыс істейді.
Telegram-чат тәулік бойы, демалыс күндерін қоса алғанда, қолжетімді.

Сондай-ақ, жалған ақпарат таратқандарға жауапкершілік қарастырылғанын еске саламыз. Тек ресми дереккөздерді — АШМ мен облыс әкімдіктерінің ресурстарын пайдалануға және тексерілмеген ақпаратты жариялаудан бас тартуға шақырамыз.