Минскіде ЕАҢ-ның 43-пленарлық апталығы аяқталды

2025 жылғы 24–28 қараша аралығында Беларусь Республикасының Минск қаласында қылмыстық кірістерді жылыстатуға және терроризмді қаржыландыруға қарсы іс-қимыл жөніндегі Еуразиялық топтың (ЕАГ) жұмыс топтарының отырыстары және 43-пленарлық мәжілісі өтті.

Іс-шараларға мүше мемлекеттердің делегациялары, FATF үлгісіндегі өңірлік топтар (ГАБАК, ЕСААМЛГ, МЕНАФАТФ), сондай-ақ бақылаушылар мен шақырылған елдер қатысты.

Пленарлық мәжілісте ЕАГ-тың Төрағасы мен оның орынбасары 2026–2027 жылдарға сайланды, сондай-ақ ұйымның басымдықтары бекітілді. Олардың қатарында өзара бағалаудың 3-раундын жүргізу, FATF Ғаламдық желісі аясындағы ынтымақтастықты кеңейту, ведомствоаралық өзара іс-қимылды нығайту және мүше мемлекеттердің кадрлық әлеуетін арттыру бар.

Қатысушылар мүше мемлекеттердің өзара бағалаудың 3-раундына дайындық барысын, оның ішінде дайындық деңгейін мониторингтеу тетігін енгізуді талқылады. Криптовалюталарды, «дроптарды», шетелдік криптәмияндарды пайдалану және Ауғанстандағы ахуал аясында туындайтын тәуекелдер мен жаңа қауіптерге ерекше назар аударылды.

Пленум шешімімен ЕАГ бақылаушы мәртебесін БҰҰ-ның Контртерроризм басқармасы және Шығыс пен Оңтүстік Африкадағы Ақшаны жылыстатуға қарсы күрес тобы алды.

Сонымен қатар, Пленарлық апта барысында Агенттік ТҚҚ/АЖ саласындағы халықаралық ынтымақтастықты нығайту мақсатында шетелдердің уәкілетті органдарының делегацияларымен бірқатар екіжақты кездесулер өткізді.

Қаржы барлау бөлімшелері басшыларының кеңесі отырысы шеңберінде Агенттік қаржы пирамидаларына қарсы іс-қимыл тәжірибесін және криптовалюталарды қылмыстық кірістерді жылыстату мақсатында пайдалану қаупін бейтараптандырудың заманауи тәсілдерін таныстырды.

ЕАГ-тың келесі 44-пленарлық мәжілісі 2026 жылғы мамырда Түрікменстанда өтеді.

 

ҚР ҚМА Баспасөз қызметі