ҚМА өкілі Түркі мемлекеттері ұйымының қаржы барлау форумына қатысты

2025 жылғы 26 маусымда Қаржылық мониторинг агенттігі Төрағасының бірінші орынбасары Ұ.Раисов Түркі мемлекеттері ұйымына мүше елдердің қаржы барлау бөлімшелерінің ІІ форумына қатысты. Шара Қырғыз Республикасының Чолпон-Ата қаласында өтті

Форумда цифрлық активтердің қылмыстық мақсатта қолданылу қаупі және осы саладағы өзекті мәселелер талқыланды. Іс-шарада Түркі мемлекеттері ұйымына мүше елдердің Қаржылық барлау бөлімінің басшылары алғаш рет бас қосты. Онда форум қорытындысы бойынша бірлескен мәлімдеме қабылданды. Құжатта тараптар ақшаны жылыстату мен терроризмді қаржыландыруға қарсы іс-қимыл (АЖ/ТҚҚ) саласындағы өңірлік ынтымақтастықты нығайтуға, тәжірибе мен білім алмасуға, сондай-ақ осы бағыттағы зерттеулерді қолдауға арналған бірлескен бастамалар мен бағдарламалар әзірлеу мүмкіндіктерін қарастыруға ниетті екенін білдірді. Агенттік АҚ/ТҚ саласындағы халықаралық әріптестікті дамыту бойынша жүйелі жұмыстарын жалғастыруда.

ҚР ҚМА Баспасөз қызметі