Қаржылық қауіпсіздік

Қазталов ауданының Аудандық балалар шығармашылық және жаңа технологиялар орталығында БҚО бойынша ЭТТД бастамасымен «Біз және қаржылық қауіпсіздік » акциясы ұйымдастырылды.

Акция барысында балаларға қаржылық сауаттылықты арттыру, алаяқтықтан сақтану, жеке деректерді қорғау және қаржыны тиімді басқару бойынша пайдалы ақпарат берілді.

Түрлі ойындар мен танымдық тапсырмалар арқылы қатысушылар қаржылық қауіпсіздік ережелерін меңгеріп, күнделікті өмірде кездесетін алаяқтық әрекеттерден қорғану жолдарын үйренді.

Іс-шара балалардың қаржылық сауаттылығын арттырып, қауіпсіз қаржылық мінез-құлық қалыптастыруға бағытталды.