Ойынға тәуелділіктің қауіптері туралы

Төтенше жағдайлар департаментінде қызметкерлердің қатысуымен ойынға тәуелділіктің (лудоманияның) алдын алу және оның салдары мәселелеріне арналған дөңгелек үстел өткізілді.

Іс-шара барысында қатысушыларға ойынға тәуелділіктің негізгі белгілері, оның қаржылық жағдайға, психологиялық күйге және отбасылық қатынастарға әсері түсіндірілді. Онлайн-бәс тігу мен құмар ойындарға әуестенуге байланысты тәуекелдерге ерекше назар аударылды, өйткені олар қарыздың жиналуына, шығындарды бақылаудың жоғалуына және еңбекке қабілеттіліктің төмендеуіне әкелуі мүмкін.

ҰББ-ның аға жедел уәкілі Қадырұлы А. мәселені дер кезінде анықтаудың, жеке қаржыға жауапкершілікпен қараудың және құмар ойындардың агрессивті жарнамасына қарсы тұра білудің маңыздылығын атап өтті. Сондай-ақ қызметкерлерге қиын өмірлік жағдайға тап болған әріптестер мен жақын жандарды қолдау және уақтылы кеңестік көмекке жүгіну қажеттігі еске салынды.

Мұндай кездесулерді өткізу қызметкерлердің қаржылық және психологиялық тұрақтылығын нығайтуға, салауатты өмірлік ұстанымдарды қалыптастыруға және ұжымда қолайлы моральдық-психологиялық ахуал құруға бағытталған.