Валюталық құндылықтарды заңсыз әкетуге қарсы іс-қимыл мәселелері бойынша дөңгелек үстел

ORAL: Валюталық құндылықтарды заңсыз әкетуге қарсы іс-қимыл мәселелері бойынша дөңгелек үстел

Батыс Қазақстан облысы бойынша Экономикалық тергеп-тексеру департаментінде «Қазақстан Республикасынан валюталық құндылықтарды заңсыз әкетуге, жөнелтуге және аударуға жол бермеу» тақырыбында дөңгелек үстел өтті.

Іс-шараға мемлекеттік кірістер органдарының, екінші деңгейдегі банктердің, «Азаматтарға арналған үкімет» мемлекеттік корпорациясы» КЕАҚ-ның Батыс Қазақстан облысы бойынша өкілдері қатысты.

Отырыс барысында қатысушылар Қазақстан Республикасының валюта заңнамасы талаптарының сақталуы, қолма-қол шетел валютасын заңсыз әкетуді, шетелге ақшалай қаражатты заңсыз аударуды анықтау және жолын кесудің өзекті мәселелерін, сондай-ақ осындай құқық бұзушылықтарды анықтау мен жолын кесу кезіндегі ведомствоаралық өзара іс-қимыл тетіктерін талқылады.

Дөңгелек үстел қорытындысы бойынша қатысушылар өзара іс-қимылды одан әрі нығайтуға және валюталық құндылықтардың заңсыз айналымына қарсы іс-қимыл, мемлекеттің экономикалық мүдделерін қорғау және Қазақстан Республикасының қаржылық қауіпсіздігін қамтамасыз ету бойынша шараларды жетілдіруге бағытталған қадамдарды әзірлеуге дайын екендіктерін растады.