Оқушылармен кездесу

Алаяқтарға ең осал топтар арасында қаржылық қауіпсіздік бойынша дәрістерді өткізу мақсатында Орал қаласының №39 ЖОББ мектебінің жоғары сынып оқушылары  Батыс Қазақстан облысы бойынша Экономикалық тергеп-тексеру департаментінің өкілімен кездесті.

Спикер интернет-алаяқтықтың ең кең тараған түрлері, жеке деректерді қорғау тәсілдері, сондай-ақ құқықбұзушылық жасағаны үшін жауапкершілік туралы егжей-тегжейлі айтып өтті. Ерекше назар жастар арасында құқықтық мәдениетті қалыптастыруға және интернеттегі ақпаратқа сыни тұрғыдан қараудың маңыздылығына аударылды.

Сонымен қатар оқушыларға 2025 жылдың 16-қыркүйегінен бастап дропперлік үшін қылмыстық жауапкершілік енгізілгендігі туралы түсіндірілді.