ОКҚ-де Әділет министрлігінің қызметі туралы брифинг өтті

Бүгін Әділет министрлігінің ресми өкілі Талғат Уәли Президент жанындағы Орталық коммуникациялар қызметінде өткен брифинг барысында ведомство жұмысының қорытындысының негізгі бағыттарын ұсынды.

Әділет министрлігі алимент өндіруді, әділетті цифрландыруды және зияткерлік меншікті қорғауды қоса алғанда, әлеуметтік маңызы бар салаларда белсенді жұмысын жалғастыруда.

Алимент өндіріп алу
Алимент бойынша атқарушылық іс жүргізу ерекше бақылауда-283 мың іс қаралуда. Өндіріп алудың тиімділігін арттыру үшін шоттарға тыйым салу, құқықтарды шектеу және әкімшілік жауапкершілікке тарту шаралары қолданылады. 2024 жылы 6 мыңнан астам борышкер жұмысқа орналастырылды. Ірі өндіріп алу ретінде Астанада Mercedes-Benz S400 және Жамбыл облысында жылжымайтын мүлікті атап айтсақ болады.

Әділетті цифрландыру
Digital Justice бағдарламасы аясында жаңа технологиялар енгізілуде. Zankomegi негізіндегі чат-бот іске қосылды, ол Азаматтарға арналған ЖИ көмегімен виртуалды заңгер бола алады. E-ZanKomegi-не интеграцияланатын адвокаттар мен заңгерлердің рейтингі бойынша деректер базасы қалыптастырылуда. Цифрлық нотариат дамуда-онлайн-сенімхат қызметін іске қосқан сәттен бастап 240 мыңнан астам азамат пайдаланды. Онлайн-сервистерді кеңейту жоспарлануда.

Зияткерлік меншікті қорғау
2024 жылы 338 тексеру жүргізілді, 297 бұзушылық анықталды, 150 млн теңге сомасына 400 мың контрафактілік бірлік тәркіленді. Жақында Алматы мен Шымкентте Nestle тауар белгісіне құқықты бұзатын өнімдерді заңсыз сату тоқтатылды.

Халықаралық даулар
Лондонның Жоғарғы Соты бұған дейін Қазақстанды 65 млн доллар төлеуге міндеттеген World Wide Minerals талабы бойынша 2024 жылғы шешімнің күшін жойды. Бұл елдің инвестициялық ахуалын нығайтатын елеулі жеңіс.

Осы бағыттағы жұмыс жалғасатын болады