ҚР Әділет министрлігі аппаратының басшысы Сандуғаш Ерсейітова АҚО-да азаматтарды қабылдады

Қабылдау барысында оған Ақтау қаласының тұрғыны «Т» ЖШС-не қатысты атқарушылық іс жүргізуге байланысты әділет органдары лауазымды адамдарының әрекеттеріне шағымданып жүгінді.

Сандуғаш Ерсейітова азаматты тыңдап, істің мән-жайын зерттеп, мәселені жедел шешу үшін шаралар қабылдады. Талқылау барысында ол сот шешімдерін орындау кезінде әділеттілікті қамтамасыз етудің және барлық заңды рәсімдерді сақтаудың маңыздылығын атап өтті. Кездесу барысында көтерілген мәселелер егжей-тегжейлі талданып, нәтижелері заңда белгіленген мерзімде өтініш берушіге жеткізілетін болады.