Әділет министрлігінде заң шығару қызметі мәселелері жөніндегі ведомстоаралық комиссияның кезекті отырысы өтті

ҚР Әділет вице-министрі Ботагөз Жақселекованың төрағалығымен Заң жобалау қызметі мәселелері жөніндегі ведомствоаралық комиссияның отырысы өтті. Оған ҚР Парламентінің депутаттары мен мемлекеттік органдардың басшылары қатысты.
Ведомствоаралық комиссия отырысында заң жобалары бойынша Үкімет қорытындыларының келесі жобалары қаралды:
1. ҚР Парламентінің депутаттары бастамашылық еткен «ҚР кейбір заңнамалық актілеріне экономикалық құқық бұзушылықтарды одан әрі қылмыссыздандыру және заңсыз жолмен алынған кірістерді заңдастыруға және терроризмді қаржыландыруға қарсы іс-қимыл туралы өзгерістер мен толықтырулар енгізу туралы» Заң жобасына Үкімет қорытындысының жобасын қарастыру

1. ҚР Парламентінің депутаттары бастамашылық еткен «ҚР Әкімшілік құқық бұзушылық туралы Кодексіне өзгерістер мен толықтырулар енгізу туралы» Заң жобасына Үкімет қорытындысының жобасын қарастыру
2. «ҚР жергілікті өзін-өзі басқару туралы» және «ҚР кейбір заңнамалық актілеріне жергілікті өзін-өзі басқару мәселелері бойынша өзгерістер мен толықтырулар енгізу туралы» ҚР заңдарының жобаларын ҚР Парламентінің Мәжілісінен кері қайтарып алу туралы» ҚР Үкіметінің қаулысы жобасын қарастыру

Кездесу қорытындысы бойынша Әділет вице-министрі тиімді заң шығару үшін ведомстволар арасындағы ынтымақтастықтың маңыздылығын атап өтті.
Ботагөз Жакселекова ведомстоаралық комиссияның мүшелеріне ризашылығын білдіріп, қоғамның заманауи қажеттіліктеріне жауап беретін заңдарды тұжырымдау үшін одан әрі бірігіп жұмыс жасауға шақырды.