2023 жылғы 31 мамырда Қазақстан Республикасының Әділет министрлігі «Бағдарламалық қамтамасыз ету құқықтарын қорғау» тақырыбында семинар өткізді.
Семинар барысында бағдарламалық қамтамасыз етудің құқық иелерінің айрықша құқықтарын сақтау мәселелері, сондай-ақ лицензияланбаған бағдарламалық қамтамасыз етуді пайдалану тәуекелдері талқыланды.
Вице-министр Б.Ш. Жақселекова зияткерлік меншік құқықтарын қорғау инновациялар мен жаңа технологиялардың дамуын ынталандыратынын, сондай-ақ экономиканың дамуына ықпал ететінін атап өтті.
Интернеттің дамуы жағдайында бағдарламалық қамтамасыз ету құқығын қорғау және лицензияланбаған бағдарламалық жасақтамамен күресу қажеттілігі туындады.
Семинар жұмысына орталық мемлекеттік органдардың, жергілікті атқарушы органдардың, сондай-ақ облыстардың, Астана, Алматы және Шымкент қалаларының әділет департаменттерінің өкілдері қатысты.
Спикерлер рөлінде Райхан Абсалямова (Лаборатория Касперского), Татьяна Колбасова (1С Қазақстан) және Ринат Гумаров (Microsoft Қазақстан) баяндамалар жасады.