Азамат Есқараев ҚР Әділет министрлігінің Заңнама және құқықтық ақпарат институтының жұмысымен танысты

Әділет министрі Азамат Есқараев ҚР Әділет министрлігінің Заңнама және құқықтық ақпарат институты құрылымдық бөлімшелерінің қызметімен және материалды техникалық базасымен танысты.

Сондай-ақ, Министр ЗҚАИ ұжымымен кездесті. Институт директоры Рамазан Сәрпеков мекеменің 2022 жылғы жұмыс қорытындысын баяндап, 2023 жылғы жоспарымен бөлісті.

Жиын барысында Азамат Есқараев мемлекеттік органдар заң жобаларын әзірлеуде бірінші кезекте мемлекеттік тілде жазулары қажеттігін атап өтті. Сондай-ақ институттың ғылыми корпусына атқарылған жұмыстар мен ғылыми жетістіктер туралы деректер қорын сақтап отыруды және ниститут қабырғасында жасалған ғылыми жұмыстардың нәтижелері қолданыстағы практикадан алшақтамауы қажеттігін айтты.

Кездесу соңында Азамат Есқараев Заңнама және құқықтық ақпарат институты - заңшығару үрдісінде стратегиялық маңызға ие екендігін айтып, оның жұмысы әрдайым Әділет министрлігінің назарында болатынын ескертті.