Қазақстан Республикасы Ұлттық Ғылым академиясының академигі, заң ғылымдарының докторы, профессор Майдан Күнтуарұлы Сүлейменов ғылыми және қоғамдық қызметтегі ерекше еңбегі үшін I дәрежелі "Барыс" орденімен марапатталды.
Марапатты Алматы қаласында салтанатты түрде ҚР Әділет министрі Марат Бекетаев тапсырды.
Майдан Сүлейменов өз сөзінде Қазақстан Республикасының Президенті Қасым-Жомарт Кемелұлына заң ғылымының дамуына ерекше көңіл бөлгеніне алғысын білдірді. Ол әріптестерімен Заңтану саласының дамуына бар күш-жігерлерін жұмсайтынын айтып өтті.
Майдан Сүлейменов 80-нен астам заңды, оның ішінде Қазақстан Республикасының Конституциясы мен Азаматтық кодексін әзірлеуге тікелей қатысқан қайраткер, сонымен қатар қазақстандық азаматтық және халықаралық жеке құқық мектебін құрушылардың бірі.