Вице-министр А.Е. Ахметованың «Адам құқықтары жөніндегі Әмбебап кезеңдік шолу шеңберінде ҚР үшінші баяндамасын қорғау қорытындылары бойынша ұсынымдарды іске асыру барысы туралы» тақырыбындағы брифинг

Вице-министр А.Е. Ахметованың «Адам құқықтары жөніндегі Әмбебап кезеңдік шолу шеңберінде ҚР үшінші баяндамасын қорғау қорытындылары бойынша ұсынымдарды іске асыру барысы туралы» тақырыбындағы брифинг
  1. Қазақстан БҰҰ-ға қатысушы мемлекеттер ұсынымдарының 87% қолдады

Брифинг барысында Әділет Вице-министрі А.Ахметова ұсынымдар азаматтық қоғамның қатысуымен қаралып, өткен жылдың маусым айында оларды іске асырудың 2020-2024 жылдарға арналған Ведомствоаралық жоспары бекітілгенін хабарлады. Жоспар 18 бөлімнен тұрады және жалпы 77 іс-шараны қарастырады.

Ұсынымдарды іске асыру барысын азаматтық қоғамның қатысуымен талқылау тұрақты негізде жүргізіледі.

Бүгінгі күні 214 ұсыныстың азаматтық қоғам көтеретін өзекті мәселелер бойынша 20%-ға жуығы орындалды.

​

  1. Саяси реформалардың бір бөлігі сайлау заңнамасына әсер етті

Парламенттік оппозиция институты (азшылық) енгізілді, парламенттік оппозиция депутаттарының арасынан Парламенттің басшылық құрамы лауазымына кандидатура ұсыну құқығына кепілдік берілді. Жергілікті өкілді органдар (мәслихаттар) тепе-тең сайлау жүйесі бойынша сайланады. Партиялар құру үшін тіркеу кедергісі екі есе азайды. Сайлау партиялық тізімдерінде әйелдер мен жастар үшін 30 пайыздық квота енгізілді.

Саяси партиялардың Парламент Мәжілісіне өту шегі 7%-дан 5%-ға дейін төмендеді, бұл саяси бәсекелестікті күшейтуге мүмкіндік береді. Аудандық маңызы бар қалалардың, ауылдардың, кенттердің, ауылдық округтердің әкімдерін тікелей сайлау енгізілуде. Сайлауға үміткерлер өз кандидатураларын өз бетінше ұсына алады немесе сайлаушылардың жалпы санының 1%-ынан кем емес қол жинау арқылы саяси партиядан үміткер бола алады. Барлық деңгейдегі сайлау бюллетеньдерінің нысандарына балама позицияны білдіру үшін «барлығына қарсы» бағандары енгізіледі.

​

  1. 2021 жылғы 11 маусымда Қазақстан Республикасы Үкіметінің қаулысымен Адам құқықтары саласындағы бірінші кезектегі шаралар жоспары бекітілді

Жоспар Президенттің 2021 жылғы 11 маусымдағы «ҚР-ның Адам құқықтары саласындағы одан әрі шаралары туралы» Жарлығын іске асыру үшін қабылданды.

Жоспарда үкіметтік емес ұйымдармен өзара іс-қимыл тетіктерін жетілдіру, әйелдерге қатысты кемсітушілікті жою, адам саудасы құрбандарының, мүгедек азаматтардың және азаптаулар құрбандарының құқықтарын, сондай-ақ бірлесу және өз пікірін білдіру бостандығына құқықтарын қамтамасыз ету және т. б. көзделеді.

​

  1. 2021 жылғы 2 қаңтарда Өлім жазасын жою туралы хаттама ратификацияланды

Әділет Вице-министрі А.Ахметова брифинг барысында Үкімет бұл мәселе бойынша қылмыстық заңнаманы Хаттама ережелеріне сәйкестендіру бойынша жұмыс жүргізіп жатқанын хабарлады.

Қазақстанда өлім жазасына мораторий ресми түрде 2003 жылғы 17 желтоқсаннан бастап қолданылады. Өмір бойына бас бостандығынан айыру 2004 жылы балама жаза ретінде енгізілді.