2021 жылғы 1 сәуірде Әділет министрі М. Б. Бекетаевтың Орталық Азиядағы босқындар ісі жөніндегі БҰҰ Жоғарғы Комиссары басқармасының өңірлік өкілі Ханс Фридрих Шоддермен онлайн кездесуі өтті.

Кездесу шеңберінде Қазақстан Республикасы Әділет министрлігі қызметінің бағыттары, оның ішінде босқындардың балаларын тіркеу бөлігі талқыланды. Өз кезегінде Шоддер мырза Қазақстанның босқындарды қорғау мәселелері бойынша, соның ішінде 1951 жылғы Босқындардың мәртебесі туралы Конвенция және 1967 жылғы оның Хаттамасы шеңберіндегі халықаралық міндеттемелерді орындау бойынша жетістіктері туралы атап өтті.

Кездесу қатысушылары көші-қон процестерін реттеу саласында пікір алмасып, тәжірибе алмасты, сондай-ақ бір-біріне жемісті жұмыс тіледі.

Кездесу жылы қарым-қатынаста өтті.