Әділет вице-министрі Лаура Мерсалимова Қазақстан Халық партиясы фракциясының Қазақстан Республикасының жаңа Конституциясы жобасын талқылауға арналған отырысына қатысты

Отырыс барысында Қазақстан Республикасының Негізгі заңы жобасының өзекті ережелері қаралды. Вице-министр депутаттарды Конституция жобасында көзделген тұжырымдамалық жаңашылдықтармен таныстырып, оларды мемлекеттің қызметін құқықтық қамтамасыз ету, сондай-ақ азаматтардың құқықтары мен заңды мүдделерін қорғау саласындағы әділет органдарының міндеттері тұрғысынан түсіндірді.

Талқылау қорытындысы бойынша тараптар конституциялық реформа аясында саяси партиялармен және азаматтық қоғам институттарымен тұрақты әрі сындарлы диалогты жалғастырудың маңыздылығын атап өтті.