ҚР ӘДІЛЕТ МИНИСТРІ ЕУРАЗИЯЛЫҚ ПАТЕНТТІК ВЕДОМСТВОНЫҢ ПРЕЗИДЕНТІМЕН КЕЗДЕСТІ

Санкт-Петербург қаласында XII Халықаралық Заң форумы шеңберінде ҚР Әділет министрі Ерлан Сәрсембаев Еуразиялық патенттік ведомствоның (ЕАПВ) президенті Григорий Ивлиевпен кездесу өткізді.

Кездесу барысында тараптар сенім мен өзара қолдауға негізделген ҚР Әділет министрлігі мен ЕАПВ арасындағы өзара іс-қимылдың жоғары деңгейін атап өтті. 

Ерлан Сәрсембаев Қазақстанның ынтымақтастықты одан әрі дамытуға, оның ішінде сараптамалық практикалармен алмасу, рәсімдерді цифрландыру және адами капиталды дамыту мәселелеріне мүдделілігін растады.

ЕАПВ Патенттік кооперация (РСТ) туралы ДЗМҰ шарты шеңберінде ұйымды халықаралық іздестіру органы және халықаралық алдын ала сараптама жөніндегі орган ретінде танығаны үшін Қазақстанға ризашылығын білдірді. Тиісті хабарламаны Қазақстан Дүниежүзілік зияткерлік меншік ұйымының (ДЗМҰ) халықаралық бюросына жолдады. Бұл тану өтініш берушілер үшін патенттік қызметтердің сапасы мен қолжетімділігін арттыруға ықпал етеді деп күтілуде.

Кездесудің цифрландыру басым тақырыптарының бірі ретінде талқыланды. Тараптар онлайн-сервистерді, өтінім беруге арналған платформаларды дамытуды, сондай-ақ сараптамалық және тіркеу қызметінде қазіргі заманғы АКТ-ны қолдануды қоса алғанда, зияткерлік меншікті қорғау рәсімдеріне цифрлық шешімдерді жедел енгізудің маңыздылығын атап өтті. Цифрлық трансформация ашықтықты арттыруға, өтінімдерді қарау мерзімдерін қысқартуға және өтініш берушілер үшін әкімшілік жүктемені азайтуға ықпал ететіні атап өтілді. Қазақстан патенттік жүйені цифрлық жаңғырту бойынша тәжірибе алмасуға дайын екендігін білдірді.

Кездесу соңында тараптар серіктестікті одан әрі дамытуға және барлық негізгі бағыттар бойынша өзара іс-қимылды кеңейтуге келісті.